Go Back   Amr Diab World forums (Archive) > Fans Activities > The Lounge

The Lounge Off-topics, share interests, have a laugh or discuss anything in your mind does not fit forums above.



 
 
Thread Tools Search this Thread
Old Apr 27th, 2009, 06:41 AM   #1
>>> 2 DAY <<<
Newcomer
 
Joined: May 2004
Posts: 86
Icon06 تخيل أنـــــك الرئيـــس...!!؟؟

السلام عليكم ورحمه الله وبركاته


دى مجرد فضفضة ... تنفيييييس

تخيل كدا انك بقيت الرئيس
احلم
يا عم انت حتدفع حاجة من جيبك
الحلم ده على حسابى
غمض عينيك شوية واحلم انك بقيت رئيس البلاد


متقولش ازاى .. مش مهم
زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من اللى بيصلوا الفجر جماعة ... فوافق بوش انك تقعد على ... الكرسى



المهم انك بقيت دلوقتى رئيس البلاد
مين قدك يا عم

حتاكل طعمية مقلية بزيت فرنساوى وربنا حيتوب عليك من طعمية ابو هويدا المقلية بزيت العربيات



وحتتعالج من انيميا الفول .. الفول الجديد بقه يا عم من غير سوس



وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل



لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ويعرقص ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص
الاوضاع حتتغير خالص ياعم ... دا انت ربنا حيكرمك خالص والله العظيم



طب بص دى ... حتاكل لحمة... طب والله لحمة .. متبرقش اوى كدة ... مش عارف يعنى ايه لحمة
(هم هيقولولك )


وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا
آه فاكر
اهى هى دى اللحمة
لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك



وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانت كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى



وحتشرب السيجارة كلها مرة واحدة .. يعنى مفيش تخميس
وبعدين دى سجاير ستراكى سترايك من بتاعت الست مارى منيب .. جو تانى



بس لما يخدوك علشان تحلف اليمين
ياعم دا غير يمين الطلاق اللى انته مصدره فى كل حدوتة تحكيها



اصحى معايا الله يكرمك

لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه



وحياة رحمة امك يا شيخ متروح بالجزمة بتاعتك ... عشان خاطرى ابقى اشتريلك جوز جزمة من بيع المصنوعات دى رخيصة هناك .... لأن الحدوة اللى انته مركبها فى كعب الجزمة بتعمل صوت .... قلق برضه .. وبعدين ممكن الجهاز يصفر عليك تبقى حكاية ... فاهم



أول يوم بس وبعدين همه بعد كدة حيتصرفولك فى جوزين جزم مستوردين عشان تقابل بيهم اصحابك بتوع الدول التانية



وحتنام على سرير عليه مراتب .. المراتب دى بقه جواها قطن ... ايوة قطن ... والله العظيم قطن .. ايوه تمام زى القطن اللى انته جبته من الاجزخانة للوله حودة ابنك لما الواد شحته ابن ام بيسة لزقه بالطوبة فى نافوخه فتحهاله



وجريت بيه على المستشفى قالولك هات لنا قطن وشاش وميكروكروم وصبغة يود وبلاستر وسرنجة وحقنة تيتانوس وكيس دم واقطع تذكرة بخمسة جنيه من شباك العلاج المجانى .... ايوه هو ده القطن ... فهمت



هتحلم أحلام نضيفة على السرير دا يا عم الحاج

افرد طولك ... متخافش رجليك مش حتطلع برة الاوضة .... انته مش فى بيتكم دلوقتى .. افرد افرد ... غمض عينيك كده .. غمض



ايه ... انت نمت اصحى يا عم ... اصحى ... الباب بيخبط ... الحق .. موظفين الكهربا على الباب ... الحق دول جايين يشيلوا العداد علشان بقالك 3 شهور مدفعتش الفاتورة

:d:d:d
>>> 2 DAY <<< is offline  
Old Apr 27th, 2009, 08:45 AM   #2
adel_hem
Platinum Member
 
Joined: Apr 2007
From: mansoura,egypt
Age: 31
Posts: 2,408
Send a message via MSN to adel_hem Send a message via Yahoo to adel_hem
Re: تخيل أنـــــك الرئيـــس...!!؟؟

موضوع دمه خفيف
ويقهر بصراحه
بس انا هعلق علي حاجه
لا بوش ولا امريكا هي اللي بتقعد رئيس جمهوريه مصر العربيه ع الكرسي
احنا موصلناش للوضع ده
وبإزن الله مش هنوصل
شكرا
__________________
GAME OVER
كله راح كله راح
35 جيجا برامج نسخ ويندوز تعليم لغات كله كله طاااااااار

adel_hem is offline  
Old Apr 27th, 2009, 11:11 AM   #3
HABEBE
MODY
 
Joined: Jan 2008
From: ......
Posts: 3,109
Send a message via MSN to HABEBE Send a message via Yahoo to HABEBE
Icon12 Re: تخيل أنـــــك الرئيـــس...!!؟؟



شكلك مرشـــد مش عارف لية
__________________
[LEFT][LEFT]

خليك معايا .. حسسنى بأمان
:
happy
:
HABEBE is offline  
Old Apr 27th, 2009, 09:53 PM   #4
nono1355
واحد من الناس
 
Joined: Feb 2009
From: egy
Posts: 250
Re: تخيل أنـــــك الرئيـــس...!!؟؟

على فكره مش لازم ابقى رئيس
وبعدين على فكره الرئيس مش بس بدل وكرافتات لا دى مسئوليه وقوه شخصيه وحكمه وفن الاداره
__________________
nono1355 is offline  
Old May 1st, 2009, 10:39 PM   #5
phoen!x
Ω ι'ற sσ σvєя ιт ლ
 
Joined: Feb 2009
From: Ξ чηкηοωη●๋•
Age: 33
Posts: 773
Re: تخيل أنـــــك الرئيـــس...!!؟؟

حلو التوبك دة
شكرا ليك


__________________
[SIGPIC][/SIGPIC]
Mtrg3lesh . றρ3
phoen!x is offline  
 

Bookmarks


Currently Active Users Viewing This Thread: 1 (0 members and 1 guests)
 
Thread Tools Search this Thread
Search this Thread:

Advanced Search

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump




All times are GMT +2. The time now is 12:15 AM.


Powered by vBulletin
Copyright ©2000 - 2019, Jelsoft Enterprises Ltd.